Қазанның алғашқы
демалысымен қатар білім нәрін берген ұстаздардың төл мерекесі де келді. Бұл
мерекені барша халық зор қуанышпен атап өтеді десек артық айтқандық емес.
Бәріміздің де балдай балалығымыз осы аяулы жандармен бірге өтті. Бақытты
алаңсыз күндердің куәгеріндей ұстаздарымызды ерекше көретініміз де сондықтан
болар.
Шәкірт біткен бұл күні жақсы көретін
ұстаздарын құттықтауға асығады. Бала тәрбиесі жолындағы қиындығы мен қызығы
қатар еңбегі үшін алғысын айтып, қуаныш сыйлағысы келеді.
№27 мектептің «Болашақ» ұйымы және
«Жас жалын» дружинасы бұл мереке күні «Ұстазым - алтын діңгегім» атты кеш
өткізді. Мектептің өнерпаз оқушылары ән шырқады, би биледі. Көңіл толқытар әсем
жыр шумақтарын арнады. Слайд-шоу ұйымдастырып, мұғалім еңбегінің әр қырынан
көріністер көрсетті.
Осындай әдемі концерттік бағдарлама
мектебіміздің аға тәлімгері Ж.Баймұханованың жетекшілігімен ұйымдастырылды.
Сонымен бірге жас маман ән сабағы мұғалімі М.Қаратаев музыкалық жетекшілік
жасап, көркемдік істер
атқарды. Ал
информатика мұғалімі Перизат әншілік өнерді қатар ұстап жүрген жас маман. Ол
көрермендерге ән-шашу арнады.
Бұл ұстаздар мерекесінің кеші
оқушылардың мектепке әкелген зор сыйлығымен ұласты. Өзін-өзі басқару ұйымы жүргізген
«Күзгі жәрмеңке» табысына сатып алынған мектепке қажетті заттай сый мен үлкен
гүл шоғын ұсынды.
Бар өнерін, бар талабын, еңбектегі
табыстарын тек қана мектебіне , ыстық ұясына арнаған оқушылар келешекте өз
Отаным, менің елім дейтін нағыз патриоттар болары сөзсіз.
|