Ал №27 орта мектебінің басшысы болып, ұзақ жылдар басқарған Ш.Б.Бейсенбекова осы мектептің атағы кеңінен тарап, биікке көтерілуіне көптен көп еңбек етті. Ш.Бейсенбекова 1975-1995 жылдары мектеп директоры болып басқарды. Осы кісімен қатар еңбек еткен ардақты ұстаздар Д.Исаева, Р.Қосыбаева, Р.Таңатова, С.Жапарова, М.Дүйімқұлова, З.Бегімбетова, К.Ибраева, Р.Шәмішев, К.Дүспаева, т.б. атауға болады. Олар бала тәрбиелеуде, білім беруде тамаша педагогтар болып, мектепте абыройлы еңбек еткендер.
Мектептің ең алғашқы медалисі, мектеп түлегі С.Садықов. Бүгінде «Қазақмыс» корпарациясының бас металлургы болып қызмет атқарады.
№27 қазақ орта мектебі қазақтың қара шаңырағы болып саналады. Кеңес Одағы кезінде елімізде қазақ мектептері жабылып, балалар тек орыс мектептерінде ғана оқитын. Ал қазақ мектептері өте сирек еді. Және жас ұрпаққа туған тілінде білім беруге аса көңіл бөліне қоймайтын. Ал енді осындай қыспақта тұрған қазақ мектептеріне нағыз елім деп, ұлтым деп жаны ашып қараған халық, ата-ана, ұстаздар ұлт мектебін барынша қадірлеп ұстауға ұмтылды. Осы мектепке басшылық еткен Ш.Бейсенбекқызы мектепті облыс, Республика көлемінде үнемі алдыңғы қатарда болып, үлгілі еуге күш-жігерін жұмсады.
Мектепті бітірген озат оқушылар мектеп мақтанышы. Қазіргі кезде әр салада абыройлы еңбек етіп жатыр.
1995-1996 жылдарда мектеп директоры болып С.Р.Сатиева еңбек етті. Ал 1996-2001 жылдары мектеп директоры болып Қ.С.Сайдалинов еңбек етті.
2002 жылы мектеп басшылығына А.С.Аманова келді. Қазіргі уақытта да мектеп басшылығын атқарып жатыр. Қаламыздағы ең үлгілі, алдыңғы қатарлы болуына көрегендікпен басшылық етуде. Мұнда Б.Абилдина, М.Қызданова, К.Жүнісова, Ж.Құлманов, Т.С.Камаева, Н.Құлашева, М.Мұхтарова, Т.Садуақасова, Р.Қапарова, М.Қожахметова, С.Ашықбаев, Е.Қостаев, т.б. көптеген білгір маман, білікті ұстаздар еңбек етеді.